طبعا انا مش بستغرب ولا بكتب الموضوع دة (قرّ) منى مثلا انى خلاص ماشية فى ال21 سنة ولسة
قاعدة جنب مامتى..حاااااااااشا لله..ولا بردو قصدى انى اكتبه عشان اللى زيى واللى فوق سنى
ينادوا ويقولوا:(ببلاااااوى هات صبارة وادفنا يلااااا)!!اابدا ابــــــــدا....
طيب بغض النظر عن ببلاوى والصبارة ان الموضوع دة لما سمعته استفـزنـــــــــــــــى وضايقنى اوووووووى معرفش ليه
وع فكرة مش ببالغ زى مانا سامعة حد بيقول كدة دالوقتى~~
فعلا خلانى افكر واسال نفسى اسئلة كتير وجه فى بالى مشاكل فى الحياة اكتر ممكن يكون احد اسبابها الموضوع دة..
(الزواج المبكر) .
من ضمن الاسئلة دى:
ان ازاى طفلة لسة فى مرحلة تنشئة اجتماعية تشيل مسؤلية زوج وبيت ف الوقت اللى هى فيه محتااجة لرعاية وحد يكون مسئول عنها وينشئها صح؟؟؟؟
ازاى تقدر تكون ام ومربية وقدوة لطفل هى طفلة زيه بس كبيرة شوية والفارق بينهم مرحلة عمرية مش اكتر(هو فى مرحلة طفولة مبكرة وهى فى نهايتها وداخلة ع مرحلة مراهقة مبكرة)!!ا
و هَلُمَّ جراً
لما الطفل او(الاطفال) يكبروا ويحتاجو لام مسءولة فاهمة الحياة ومؤهلة للامومة عشان تعينهم ع صعوبات الحياة وترشدهم ولا يجدوا!!!!!!!!
فـــ فاقد الشىء لا يعطيه!!...
فـ لما اذن؟؟؟
عشان الزواج مهم للدرجة اللى بقت عاملة للناس خوف بل عصاب الخوف بتخليهم يخلصوا من بناتهم بدرى بدرى لا يعنسوا؟؟ولا تكون علا عبد الصبور اثرت عليهم (عايزة اتجوز)؟؟؟:D ايوة مهم بس فى اوانه مش لدرجة يعنى ان لما اقابل طفلة فى فرح ما عندها9سنين واهزر معاها واقولها:
عقبال اما اشوفك عروسة جميلة يا حبيبتى:)
ترد تقولى:
يـــــــــــــــارب بقى يا طنط:D
ف عقل بالى (يخرب عقلك امال اما تكبرى ........)!!!!ا
ولان كل مرحلة من مراحل نمو الشخصية لو مامرتش بسلام سواء (طفولة-مراهقة-نضج ورشد.......الخ) وتم رعايتها صح واشباع احتياجات كل مرحلة بشكل سليم بتاثر تلقائى ع المرحلة التالية لها..
وبالتالى هتفضل مفتقدة للمرحلة دى وماثرة فى شخصيتها ع الامد البعيد لانها مرحلة مهمة جدا وبنية اساسية لتنشئتها وتاهيلها اجتماعيا ونفسيا....
وبالاكتساب طبعا هتطلع عيال مكلكعـــــــــــــــــــــــين نفسيا ويصدعونا بقى(كنفسانيين)ابجد هيعانوا وهى قبلهم لانها طبعا الكلكيعة الكبـــــــــيرة:D
يلا مبرووووووك عليها وعقبالكم
.
.
كانت معكم اللى مش بتقرّ خالص:-
سارة سرحان
 |
مشكلة الزواج المبكر . |
ليست هناك تعليقات:
إرسال تعليق